У момант падпіскі з вашай банкаўскай карткі спішацца сума, якую вы абіраеце. Пасля гэтага штомесяц сума будзе аўтаматычна спісвацца ў дзень афармлення падпіскі да моманту, пакуль вы не адключыце яе. Вы можаце ў любы момант змяніць суму ў меншы ці большы бок.
Адключэнне «Штомесячнай падпіскі» ажыццяўляецца ў наступным парадку:
– перайсці ў Асабісты кабінет, націснуўшы на логін у правым верхнім куце Сайта;
– выбраць пункт «Мае падпіскі»;
– у акне, якое з'явілася, націснуць на кнопку «Прыпыніць».
Для аднаўлення падпіскі трэба націснуць на кнопку «Аднавіць».
Для выдалення «Штомесячнай падпіскі» пасля дзеянняў па адключэнні трэба націснуць на чырвоны кружок «і» (інфармацыя), потым у акне, якое з'явілася, націснуць на кнопку «Выдаліць падпіску».
Каб зрабіць разавы ўнёсак, вам трэба аформіць штомесячную падпіску на выбраную суму, а потым адключыць яе праз асабісты кабінет. Такім чынам грошы спішуцца толькі адзін раз.
Адключэнне «Штомесячнай падпіскі» ажыццяўляецца ў наступным парадку:
– перайсці ў Асабісты кабінет, націснуўшы на логін у правым верхнім куце Сайта;
– выбраць пункт «Мае падпіскі»;
– у акне, якое з'явілася, націснуць на кнопку «Прыпыніць».
Так, праект легальны: мы прытрымліваемся Умоў выкарыстання ютуба, аўтарскія матэрыялы ў нашых відэа публікуюцца са згоды стваральнікаў ці па дазволе праваўладальнікаў. Дзейнасць праекта ажыццяўляецца згодна з беларускім заканадаўствам.
Перавод сродкаў ажыццяўляецца праз сістэму электронных плацяжоў bePaid. Плацежная старонка сістэмы bePaid адпавядае ўсім патрабаванням бяспекі перадачы даных (PCI DSS Level 1). Усе канфідэнцыйныя даныя захоўваюцца ў зашыфраваным выглядзе і максімальна ўстойлівыя да ўзлому.
Увод звестак карткі ажыццяўляецца на абароненай аўтарызацыйнай старонцы сістэмы bePaid. Звесткі банкаўскай карткі перадаюцца толькі ў зашыфраваным выглядзе і не захоўваюцца на нашым сайце.
Для плацяжу неабходна ўвесці рэквізіты карткі: нумар, імя трымальніка, тэрмін дзеяння і трохзначны код бяспекі. Трохзначны код бяспекі (CVV2 для VISA, CVC2 для MasterCard) — гэта тры лічбы, якія знаходзяцца на адваротным баку карткі. Калі картка падтрымлівае тэхналогію 3D Secure або «Інтэрнэт Пароль» для трымальнікаў картак БЕЛКАРТ, вы будзеце перанакіраваны на старонку банка, які выпусціў картку, для ўводу кода бяспекі.
Мы працуем у Беларусі і для легальнай дзейнасці нам неабходна выконваць усталяваныя прававыя працэдуры. З сабранай сумы на агучванне гадзіны мультфільмаў 35% ідзе на выплату падаткаў дзяржаве, камісіі банку і аплату арэнды. Астатняе — праца па перакладзе і агучванні.
Мы агучваем і публікуем на канале толькі тыя мультфільмы, на якія ёсць дазвол ад праваўладальніка на Ютубе. Большасць вядомых мультфільмаў немагчыма апублікаваць у сябе без парушэнняў. Найперш гэта свежыя і папулярныя мультсерыялы. У нас няма рэсурсаў набыць ліцэнзію, напрыклад, на кантэнт ад Disney.
Таму агучыць мы можам... калі ёсць дазвол або рэсурсы на ліцэнзію.
На жаль, праваўладальнікі мультфільма на ютубе могуць змяніць сваю палітыку ў дачыненні да распаўсюду яго на платформе. Напрыклад, абмяжаваць паказ у некаторых краінах ці на мабільных прыладах. Альбо — самае горшае — заблакаваць прагляд увогуле, хоць да гэтага мультфільм гадамі мог быць у свабодным доступе. Прыкра, але такое здараецца.
Мы запазычылі назву са скорагаворкі "Гаварун" прафесара і педагога сцэнічнай мовы Андрэя Каляды, калі вывучалі па яго матэрыялах беларускае літаратурнае вымаўленне.
Вы можаце дапамагчы праекту інфармацыйна: расказаць сваім сваякам, сябрам і знаёмым і падзяліцца з імі спасылкай; падпісацца на нашы сацсеткі (FB, VK, Insta, TG). А яшчэ глядзець і паказваць нашыя відэа дзецям, каб мы разам пашыралі беларускамоўную прастору на ютубе і ў жыцці!
Мы вельмі адказна ставімся да перакладу і беларускага літаратурнага вымаўлення пры агучванні, бо разумеем важнасць пісьменнасці ў лакалізацыях для дзяцей!
У нас ужываецца сістэма рэдактарскага і аўтарскага кантролю на ўсіх этапах працы, удзельнікі каманды маюць профільную лінгвістычную адукацыю і багаты досвед беларускамоўнага перакладу. Рознымі моўнымі экспертамі адзначаўся высокі ўзровень пісьменнасці ў нашых лакалізацыях, чым мы ганарымся.
Таму так, вы можаце смела паказваць дзецям мультфільмы ад Гаваруна!