Згодна з правіламі пасля 170 гадоў працы Святы Мікалай мусіць абраць спадкаемцу, каб навучыць усяму, што ведае сам, і пайсці на спачынак. Шчасліўчыка павінны зваць Нікалас, ён павінен быць сіратой і мець чыстае сэрца. І такі хлопчык ёсць – на другім канцы свету, у Аўстраліі! 

Аднак Святы Мікалай не хоча ісці на пенсію, ён сумняваецца ў тым, што Нікалас справіцца з місіяй, бо той вельмі няўпэўнены ў сабе і баіцца вышыні. Хлопчыку прыйдзецца навучыцца ўсім тонкасцям нялёгкай працы і перамагчы свае страхі. Ці атрымаецца ў Нікаласа даць рады ўсяму гэтаму?