КАРЫСТАЛЬНІЦКАЕ ПАГАДНЕННЕ
Дата ўступлення ў сілу: 05.04.2022
1. ТЭРМІНЫ І АЗНАЧЭННІ
1.1. Для мэт гэтага карыстальніцкага пагаднення ўжываюцца наступныя тэрміны і іх азначэнні:
1.1.1. Адміністратар — індывідуальны прадпрымальнік Бычкоў Павел Мікалаевіч, зарэгістраваны ў Адзіным дзяржаўным рэгістры юрыдычных асоб і індывідуальных прадпрымальнікаў Рэспублікі Беларусь за нумарам 193392852, які з'яўляецца праваўладальнікам інтэрнэт-сайта https://gavarun.by/. Адміністратар у рамках гэтага карыстальніцкага пагаднення і пры ўмове прыняцця акцэпту Карыстальнікам умоў гэтага пагаднення аказвае інфармацыйныя, рэкламныя і іншыя паслугі, пазначаныя ў гэтым карыстальніцкім пагадненні і на ўмовах, выкладзеных у ім.
1.1.2. Сайт — інтэрнэт-сайт https://gavarun.by/, а таксама сукупнасць любога роду інфармацыі (тэкставай, графічнай, аўдыя- і відэаінфармацыі), тэкстаў, графічных элементаў, дызайну, відарысаў, фота, відэа, аўдыяматэрыялаў, баз даных і іншых вынікаў інтэлектуальнай дзейнасці, размешчаных у інфармацыйнай сістэме сеткі Інтэрнэт і даступных па сеткавым адрасе https://gavarun.by/. Сайт прызначаны для аказання Карыстальніку інфармацыйных паслуг шляхам давання Карыстальніку доступу да Кантэнту.
1.1.3. Карыстальнік — асоба, якая выкарыстоўвае Сайт на ўмовах, прадугледжаных карыстальніцкім пагадненнем, заключаным з Адміністратарам, і якая прайшла рэгістрацыю на Сайце ў парадку, устаноўленым гэтым карыстальніцкім пагадненнем.
1.1.4. Пагадненне — гэтае карыстальніцкае пагадненне.
1.1.5. Кантэнт — любыя аўдыявізуальныя творы па-за залежнасцю ад назвы (відэаматэрыялы, музычныя творы, фанаграмы, відэаграмы, графічныя, тэкставыя і іншыя матэрыялы), прызначаныя для зрокавага і слыхавога ўспрымання Карыстальніка, доступ да прагляду якіх даецца Карыстальніку з дапамогай выкарыстання Сайта і якія размяшчаюцца на сайце і (або) ютуб-канале «Гаварун — мультфільмы па-беларуску» па сеткавым адрасе «youtube.com/channel/UCKImQUTeQ2qO1iydb70zSuw» у адпаведнасці з умовамі выкарыстання відэахостынгу YouTube.
1.1.6. Аферта — гэтая публічная прапанова (Пагадненне) Адміністратара, адрасаваная любой фізічнай асобе, якая адпавядае патрабаванням умоў аферты, заключыць з Адміністратарам дагавор на аказанне паслуг, выкладзеных у гэтым Пагадненні, і на ўмовах, выкладзеных у Пагадненні (Аферце).
1.1.7. Акцэпт — поўнае і безумоўнае прыняцце Карыстальнікам Аферты Адміністратара шляхам здзяйснення канклюдэнтных дзеянняў, выкладзеных у Пагадненні (Аферце).
1.1.8. Бакі — Адміністратар і Карыстальнік пры сумесным згадванні.
1.1.9. Паслугі — інфармацыйныя, рэкламныя і іншыя паслугі, якія аказваюцца Адміністратарам Карыстальніку, пазначаныя ў Пагадненні, і на ўмовах, выкладзеных у Пагадненні.
1.1.10. Падпіска — аплатныя паслугі па даванні Карыстальніку доступу да Кантэнту за пэўную плату і на працягу пэўнага часу на ўмовах Пагаднення.
1.1.11. Каментарыі — кароткія тэксты, якія размяшчаюцца Карыстальнікамі на Сайце ў пэўным раздзеле на пэўную тэму.
1.1.12. Асабісты кабінет — сукупнасць абароненых старонак Сайта, якія змяшчаюць інфармацыю пра Карыстальніка, створаных у выніку рэгістрацыі Карыстальніка на Сайце.
1.2. Усе астатнія тэрміны і азначэнні, якія сустракаюцца ў тэксце Пагаднення, тлумачацца Бакамі ў адпаведнасці з заканадаўствам Рэспублікі Беларусь і звычайнымі правіламі тлумачэння адпаведных тэрмінаў і азначэнняў, якія склаліся ў сетцы Інтэрнэт.
1.3. Назвы загалоўкаў (артыкулаў, пунктаў і раздзелаў) Пагаднення прызначаныя выключна для зручнасці выкарыстання тэксту Пагаднення і літаральнага юрыдычнага тлумачэння не маюць.
2. АГУЛЬНЫЯ ПАЛАЖЭННІ
2.1. Гэтае Пагадненне ўстанаўлівае парадак і рэгулюе адносіны паміж Адміністратарам, які ажыццяўляе кіраванне Сайтам, з'яўляецца яго праваўладальнікам, і Карыстальнікам па выкарыстанні Сайта і Кантэнту, які размяшчаецца Адміністратарам, а таксама аказання Карыстальніку іншых паслуг Адміністратарам. Пагадненне ўстанаўлівае правілы і ўмовы выкарыстання Сайта Карыстальнікам, які пасля рэгістрацыі ва ўстаноўленым Пагадненнем парадку становіцца Карыстальнікам Сайта, а пасля набыцця Падпіскі — набытчыкам паслуг, якія аказваюцца Адміністратарам.
2.2. Пагадненне з'яўляецца публічнай афертай Адміністратара, адрасаванай нявызначанаму колу асоб, як у частцы выкарыстання Карыстальнікам Сайта, так і ў частцы аказання Карыстальніку паслуг па даванні Кантэнту. Далучэнне Карыстальніка да Пагаднення, а таксама заключэнне дагавора на аказанне Адміністратарам Карыстальніку інфармацыйных, рэкламных і іншых паслуг адбываецца з дапамогай прыняцця (акцэпту) умоў Пагаднення ў парадку, прадугледжаным Пагадненнем, у цэлым, без якіх-небудзь умоў, выключэнняў і агаворак.
2.3. Права выкарыстання Сайта даецца Карыстальніку на перыяд дзеяння Пагаднення.
2.4. Адміністратар дае права выкарыстання Сайта «як ёсць» і не нясе адказнасць за збоі ў рабоце і іншыя недахопы Сайта, а таксама за збоі ў рабоце плацежных сістэм.
2.5. Адміністратар не прымае на сябе абавязацельстваў у сувязі з Пагадненнем даваць ці рабіць даступнымі для Карыстальніка любыя абнаўленні, новыя версіі, мадыфікацыі або дапаўненні Сайта.
2.6. Пры здзяйсненні рэгістрацыйных дзеянняў, пазначаных у п. 3 Пагаднення Карыстальнік прымае Пагадненне ў поўным аб'ёме, без усялякіх агаворак і выключэнняў, а таксама выказвае поўную і безумоўную згоду з усімі ўмовамі Пагаднення, у тым ліку ў частцы давання згоды Сайту на апрацоўку, захоўванне персанальных даных Карыстальніка, атрыманых пры выкарыстанні Сайта, а таксама на атрыманне рассылак інфармацыйнага і рэкламнага зместу.
2.7. Карыстальнік гэтым дае сваю згоду Адміністратару выкарыстоўваць адрас электроннай пошты, які выкарыстоўваецца ім для камунікацыі з Адміністратарам і (або) здзяйснення плацежных аперацый на сайце, для рэкламы, накіравання інфармацыйных паведамленняў, любым спосабам, не забароненым дзейным заканадаўствам Рэспублікі Беларусь.
2.8. Момантам акцэпту Аферты, гэта значыць прыняцця Карыстальнікам умоў Пагаднення, з'яўляецца завяршэнне Карыстальнікам працэдуры рэгістрацыі на Сайце і націсканне кнопкі «Зарэгістравацца». Пагадненне лічыцца заключаным у простай пісьмовай форме (п. 2, п. 3 арт. 404 і п. 3 арт. 408 Грамадзянскага кодэкса Рэспублікі Беларусь).
2.9. Факт выкарыстання Карыстальнікам Сайта пасля рэгістрацыі Карыстальніка на Сайце з'яўляецца поўным і безумоўным акцэптам гэтага Пагаднення, няведанне, неазнаямленне з умовамі якога не вызваляе Карыстальніка ад адказнасці за невыкананне яго ўмоў.
2.10. У выпадку нязгоды з умовамі Пагаднення Карыстальнік павінен устрымацца ад выкарыстання Сайта. Выкарыстанне Сайта з парушэннем і (або) невыкананнем якой-небудзь з умоў Пагаднення забаронена.
2.11. Умовы Пагаднення распаўсюджваюцца на любыя версіі, абнаўленні, мадыфікацыі Сайта, калі яны не суправаджаюцца іншымі ўмовамі.
2.12. Гэтым Карыстальніку паведамляецца, што ў выпадку выяўлення фактаў парушэння Пагаднення і парадку выкарыстання Сайта Адміністратар мае права выкарыстоўваць усе спосабы абароны парушанага права, уключаючы, але не абмяжоўваючыся: звяртацца ў праваахоўныя, судовыя органы і іншыя дзяржаўныя органы з мэтай прыцягнення нядобрасумленнага Карыстальніка да адказнасці, прадугледжанай заканадаўствам.
3. РЭГІСТРАЦЫЯ КАРЫСТАЛЬНІКА НА САЙЦЕ
3.1. Рэгістрацыя Карыстальніка на сайце з'яўляецца бясплатнай і выконваецца шляхам запаўнення палёў у форме рэгістрацыі і націскання кнопкі «Зарэгістравацца». У выніку для Карыстальніка будзе створаны ўнікальны ўліковы запіс, а таксама створаны Асабісты кабінет Карыстальніка.
3.2. У выніку рэгістрацыі Карыстальнік атрымлівае доступ да свайго Асабістага кабінета з правамі яго выкарыстання, пазначанымі ў раздзелах Асабістага кабінета на Сайце.
3.3. Карыстальнік не мае права бязвыплатна перадаваць, саступаць, прадаваць, перадаваць у карыстанне трэцім асобам і здзяйсняць падобныя дзеянні са сваім уліковым запісам на Сайце без згоды Адміністратара.
3.4. Карыстальнік абавязаны прымаць належныя меры для забеспячэння захаванасці ўліковага запісу і даных Асабістага кабінета Карыстальніка (уключаючы адрасы электроннай пошты) і пароля.
3.5. Карыстальнік абавязаны неадкладна паведаміць Адміністратара пра любыя выпадкі доступу на Сайт трэцімі асобамі пад уліковым запісам Карыстальніка.
3.6. Карыстальнік нясе поўную адказнасць за любыя дзеянні, здзейсненыя ім з выкарыстаннем яго ўліковага запісу, а таксама за любыя наступствы, якія магло пацягнуць або пацягнула такое выкарыстанне.
3.7. Карыстальнік пацвярджае згоду з умовамі Пагаднення шляхам пацвярджэння пункта «Я прымаю ўмовы Пагаднення» пры рэгістрацыі на Сайце.
4. ПРАВЫ І АБАВЯЗКІ АДМІНІСТРАТАРА, КАРЫСТАЛЬНІКА
4.1. Правы і абавязкі Адміністратара:
4.1.1. Адміністратар прымае на сябе абавязкі забяспечыць даванне тэхнічнай магчымасці атрымання Карыстальнікам доступу да Сайта і Кантэнту ў парадку і на ўмовах, вызначаных Пагадненнем. Адміністратар дае Карыстальніку доступ да Кантэнту для легальнага некамерцыйнага індывідуальнага выкарыстання ў мэтах, не звязаных з прадпрымальніцкай дзейнасцю, спосабамі, пазначанымі ў Пагадненні.
4.1.2. Адміністратар абавязваецца пасля набыцця Карыстальнікам Падпіскі аказваць Карыстальніку паслугі ў рамках набытай ім Падпіскі на ўмовах, выкладзеных у Пагадненні.
4.1.3. Адміністратар мае права размяшчаць на сайце рэкламныя і іншыя інфармацыйныя матэрыялы, а таксама накіроўваць рэкламныя і іншыя інфармацыйныя матэрыялы Карыстальніку шляхам рассылкі з дапамогай электроннай пошты, на што Карыстальнік дае яму згоду прыняццем умоў (Акцэптам) Пагаднення.
4.1.4. Адміністратар мае права выдаліць Кантэнт і любую іншую інфармацыю, размешчаную на сайце, прыпыняць, абмяжоўваць або спыняць доступ Карыстальніка да ўсіх або да любога з раздзелаў Сайта або да Падпіскі ў любы час з любой прычыны або без тлумачэння прычын без папярэдняга паведамлення Карыстальніку. Пры гэтым Бакі згаджаюцца, што Адміністратар не адказвае за любую шкоду, якая можа быць нанесена Карыстальніку такімі дзеяннямі.
4.1.5. Адміністратар мае права ўстанаўліваць любыя абмежаванні ў выкарыстанні Сайта. Адміністратар мае права ў любы час змяняць або дапаўняць гэтае Пагадненне ў аднабаковым парадку, без атрымання згоды Карыстальніка і без паведамлення яму.
4.1.6. Адміністратар мае права размяшчаць на Сайце Кантэнт на беларускай мове без перакладу на рускую мову, у тым ліку без субцітраў. Пры гэтым Карыстальнік, выкарыстоўваючы Сайт, выказвае сваю безумоўную згоду на прагляд Кантэнту ў беларускай моўнай версіі, а таксама абавязваецца ўстрымлівацца ад прэтэнзій і патрабаванняў да Адміністратара адносна даступнасці на сайце таго ці іншага Кантэнту, перакладзенага і агучанага на беларускую мову.
4.2. Правы і абавязкі Карыстальніка:
4.2.1. Карыстальнік мае права выкарыстоўваць у поўнай меры ўсе функцыянальныя магчымасці, якія даюцца Адміністратарам, пры ўмове аплаты Падпіскі.
4.2.2. Карыстальнік абавязваецца выкарыстоўваць Сайт толькі ў законных асабістых некамерцыйных мэтах, выконваць дзейнае заканадаўства Рэспублікі Беларусь, захоўваць правы і законныя інтарэсы Адміністратара, а таксама выконваць умовы Пагаднення.
4.2.3. Карыстальнік абавязуецца азнаёміцца з умовамі Пагаднення і самастойна адсочваць іх змены — рэгулярна знаёміцца са зместам гэтага Пагаднення. Працяг выкарыстання Карыстальнікам Сайта пасля любых змяненняў і (або) дапаўненняў Пагаднення прадугледжвае безумоўную згоду Карыстальніка з такімі змяненнямі і (або) дапаўненнямі. Няведанне Карыстальнікам дзейных умоў Пагаднення не вызваляе Карыстальніка ад абавязацельстваў, прадугледжаных у Пагадненні, а таксама адказнасці за іх невыкананне і (або) неналежнае выкананне.
4.2.4. Карыстальнік гэтым пацвярджае, што дасягнуў 18-гадовага ўзросту альбо іншага ўзросту, устаноўленага ў якасці мінімальна дазволенага ў краіне месцазнаходжання Карыстальніка для магчымасці здзяйснення аплаты Падпіскі. Фізічная асоба, якая не дасягнула патрабаванага ўзросту, абавязваецца ўстрымацца ад здзяйснення аплаты за яго прагляд без згоды бацькоў, усынавіцеляў, апекуноў, папячыцеляў або іншых законных прадстаўнікоў згодна з дзейным заканадаўствам адпаведнай краіны месцазнаходжання Карыстальніка. У іншым выпадку адказнасць за парушэнні ўмоў гэтага пункта Пагаднення фізічнай асобай, якая не дасягнула патрабаванага ўзросту, ускладаецца на бацькоў, усынавіцеляў, апекуноў, папячыцеляў або іншых законных прадстаўнікоў згодна з дзейным заканадаўствам адпаведнай краіны месцазнаходжання карыстальніка. Адміністратар не нясе адказнасці за законнасць выкарыстання Кантэнту Карыстальнікам.
4.2.5. Карыстальнік абавязаны ўстрымлівацца ад ажыццяўлення дзеянняў, накіраваных на парушэнне працы Сайта, ажыццяўлення спроб несанкцыянаванага доступу да Сайта, які даецца Адміністратарам, ад несанкцыянаванага блакавання, адключэння рэкламнай інфармацыі на сайце, а таксама ад ажыццяўлення любых іншых дзеянняў, якія парушаюць правы Адміністратара і (або) трэціх асоб.
4.2.6. Карыстальнік абавязваецца не размяшчаць на сайце матэрыялы і інфармацыю (уключаючы спасылкі на іх), якія могуць парушаць заканадаўства Рэспублікі Беларусь, правы і законныя інтарэсы Адміністратара альбо правы і інтарэсы трэціх асоб.
4.2.7. Карыстальнік абавязваецца не выкарыстоўваць Сайт і Кантэнт Адміністратара ў мэтах, адрозных ад апісаных у падп. 4.2.1 п. 4 Пагаднення.
4.2.8. Карыстальнік, зарэгістраваны на Сайце, мае права размяшчаць Каментарыі адносна Кантэнту, іншых паслуг, якія аказваюцца Карыстальніку. Карыстальнік не мае права размяшчаць без папярэдняй пісьмовай згоды Адміністратара рэкламную інфармацыю ў сваіх Каментарыях або выкарыстоўваць Сайт для рэкламавання ці іншага стымулявання збыту якіх-небудзь тавараў (паслуг, работ) любым іншым не ўзгодненым з Адміністратарам спосабам.
4.2.9. Карыстальнік абавязваецца ў сваіх Каментарыях устрымлівацца ад размяшчэння інфармацыі ў тэкставай або любой іншай форме, якая прыніжае гонар і годнасць, парушае правы і свабоды іншых карыстальнікаў, Адміністратара і (або) трэціх асоб, распальвае міжрэлігійную, міжрасавую, міжэтнічную варожасць, змяшчае нецэнзурную лексіку, заведама непраўдзівую інфармацыю, што знеслаўляе гонар і годнасць, парушае правы інтэлектуальнай уласнасці трэціх асоб або любым іншым спосабам парушае ўмовы Пагаднення або дзейнага заканадаўства Рэспублікі Беларусь і (або) іншага заканадаўства па месцазнаходжанні Карыстальніка.
4.2.10. Карыстальнік нясе поўную адказнасць за свае дзеянні ў сувязі з размяшчэннем Каментарыяў і абавязваецца ўрэгуляваць спрэчкі, прэтэнзіі, патрабаванні трэціх асоб, прад'яўленыя ў сувязі з гэтым, самастойна і за свой кошт. У выпадку прыцягнення Адміністратара да адказнасці за размяшчэнне Карыстальнікам Каментарыяў або іншай інфармацыі Адміністратар мае права ажыццяўляць дзеянні па ўстанаўленні месцазнаходжання і вышуку Карыстальніка для прыцягнення такога Карыстальніка ў якасці суадказчыка (таго, хто нанёс шкоду) і (або) пакрыцця нанесенай шкоды.
5. ПАРАДАК І ЎМОВЫ ДОСТУПУ ДА КАНТЭНТУ
5.1. Акрамя вышэйпададзенага, Пагадненне з'яўляецца публічнай афертай Адміністратара Карыстальніку ўступіць у прамыя дагаворныя адносіны, гэта значыць заключыць з Адміністратарам дагавор платнага аказання паслуг на ўмовах, выкладзеных у Пагадненні.
5.2. Фактам прыняцця (акцэпту) Карыстальнікам умоў дагавора платнага аказання паслуг з'яўляецца пералік ім грашовых сродкаў Адміністратару за Падпіску ў парадку, вызначаным у пункце 6 Пагаднення.
5.3. Адміністратар ў рамках гэтага Пагаднення аказвае Карыстальніку паслугі па даванні доступу да новага Кантэнту па Падпісцы, што азначае даванне Адміністратарам Карыстальніку магчымасці доступу да вызначанага Адміністратарам пераліку адзінак Кантэнту на працягу тэрміну дзеяння Падпіскі ў адпаведнасці з правіламі, абмежаваннямі і тэхнічнымі патрабаваннямі, пазначанымі ў Пагадненні. Пры гэтым Адміністратар прапануе Карыстальніку выбраць аб'ём паслуг, які будзе аказваць яму Адміністратар шляхам выбару Падпіскі з пераліку, пазначанага Адміністратарам і размешчанага па сеткавым адрасе https://gavarun.by/p/support. Пачатак тэрміну дзеяння Падпіскі вылічаецца з моманту аплаты Карыстальнікам і адлюстравання факту аплаты такой паслугі ў электроннай сістэме ўліку плацяжоў Адміністратара. З больш дэталёвай інфармацыяй аб разнавіднасцях паслуг (Падпісак), якія аказваюцца, можна на сайце.
5.4. Выбар Карыстальнікам Падпіскі з'яўляецца заданнем Адміністратару аказаць паслугі, прадугледжаныя Падпіскай. Такім чынам, Карыстальнік даручае, а Адміністратар абавязваецца аказаць паслугі, пазначаныя ў Падпісцы, а Карыстальнік абавязваецца аплаціць гэтыя паслугі ў адпаведнасці і на ўмовах, прадугледжаных Пагадненнем.
5.5. Пазначаныя ў Падпісцы ўмовы змяненню Карыстальнікам не падлягаюць.
5.6. Адміністратар пакідае за сабой права ўносіць змяненні і (або) дапаўненні ў Падпіску і змяняць інфармацыю на Сайце ў аднабаковым парадку, у сувязі з чым Карыстальнік абавязваецца на момант аплаты Падпіскі ўлічваць магчымыя змяненні.
5.7. Доступ Карыстальніку да Кантэнту даецца пры ўмове ўнясення такім Карыстальнікам адпаведнай платы за адпаведную Падпіску.
5.8. Тэрмін дзеяння Падпіскі (аказання паслуг) — месяц. Для мэт Пагаднення пад "месяцам" маецца на ўвазе 30 (трыццаць) каляндарных дзён.
5.9. У выпадку, калі па заканчэнні месяца выкарыстання Падпіскі Карыстальнік не адмовіўся ад Падпіскі ў парадку, прадугледжаным падп. 6.8 п. 6 Пагаднення, аказанне паслуг аўтаматычна працягваецца на наступны месяц.
5.10. Дзеянне Падпіскі спыняецца з дня, які ідзе за днём адмовы Карыстальніка ад Падпіскі, здзейсненай у парадку, прадугледжаным падп. 6.8 п. 6 Пагаднення. Карыстальнік можа адмовіцца ад Падпіскі ў любы момант.
5.11. Пры першапачатковым заказе і аплаце Карыстальнікам Падпіскі Карыстальнік дазваляе Адміністратару спаганяць за дадзеную паслугу ўстаноўленую Адміністратарам плату да моманту адмовы Карыстальніка ад далейшага выкарыстання Падпіскі. Карыстальнік разумее і згаджаецца з тым, што кошт абаненцкай платы за Падпіску можа спаганяцца штомесяц або штодня ці ў іншым парадку, як будзе вызначана пры першапачатковым заказе і аплаце дадзенай Падпіскі Карыстальнікам.
5.12. Кошт Падпіскі і пералік паслуг, якія аказваюцца Адміністратарам па Падпісцы, могуць быць зменены Адміністратарам па сваім меркаванні з абавязковым паведамленнем Карыстальнікам не менш чым за 10 (дзесяць) каляндарных дзён да даты змянення. Паведамленне аб змяненні кошту Падпіскі размяшчаецца на галоўнай старонцы Сайта Адміністратара ў раздзеле афармлення Падпіскі. Калі па спаўненні 10 дзён Карыстальнік працягвае карыстацца альбо не адмаўляецца ад Падпіскі на наступны месяц, то лічыцца такім, якому паведамілі, і згодным са змененымі ўмовамі аплаты. Карыстальнік, не згодны на працяг штомесячнай Падпіскі, можа адмовіцца ад Падпіскі ў любы момант у парадку, прадугледжаным падп. 6.8 п. 6 Пагаднення.
5.13. Інфармацыя аб набытых Карыстальнікам Падпісках даступная Карыстальніку на Сайце ў Асабістым кабінеце ў раздзеле «Мае падпіскі».
5.14. Карыстальнік і Адміністратар па ўмовах Пагаднення пацвярджаюць і згаджаюцца, што паслугі, якія аказваюцца Адміністратарам па Падпісцы, лічацца аказанымі ў момант іх аплаты Карыстальнікам. Падставай для аплаты Карыстальнікам паслуг па Падпісцы з'яўляецца абраны і аформлены ім заказ на даванне адпаведнай Падпіскі. Бакі прызнаюць і згаджаюцца, што дадатковае складанне актаў аказаных паслуг у рамках Пагаднення не патрабуецца, першаснымі ўліковымі дакументамі для мэт бухгалтарскага ўліку Бакі прызнаюць гэтае Пагадненне, аформлены ў электронным выглядзе заказ на падключэнне Падпіскі, які дазваляе ідэнтыфікаваць Карыстальніка ў рамках Пагаднення, і адпаведны плацежны дакумент.
5.15. Аплачваючы Падпіску, Карыстальнік апавешчаны і згаджаецца з тым, што паслуга лічыцца аказанай Адміністратарам належным чынам і ў поўным аб'ёме, па-за залежнасцю ад факта выкарыстання Карыстальнікам дадзенага доступу да Кантэнту па Падпісцы.
6. ПАРАДАК ЗДЗЯЙСНЕННЯ ПЛАЦЯЖОЎ
6.1. Аплата Падпіскі Карыстальнікам ажыццяўляецца пасля выбару аб'ёму паслуг, якія аказваюцца яму Адміністратарам, шляхам выбару адной з Падпісак і націскання кнопкі "Аформіць падпіску".
6.2. Здзяйсненне плацяжу пры актывацыі (падключэнні) «Штомесячнай падпіскі» прадугледжвае наступны парадак:
– Карыстальнік вызначае суму грашовых сродкаў для штомесячнага спісання з карт-рахунку і націскае на кнопку «Перайсці да аплаты»;
– пасля выбару сумы Карыстальнік пераходзіць на спецыяльную абароненую плацежную старонку працэсінгавай сістэмы bePaid;
– на плацежнай старонцы будуць паказаныя нумар і сума плацяжу. Для аплаты Карыстальнік уводзіць даныя сваёй Банкаўскай карткі і пацвярджае плацеж, націснуўшы кнопку «аплаціць»;
– для картак, якія падтрымліваюць тэхналогію 3D Secure або «Інтэрнэт-пароль», сістэмай будзе прапанавана прайсці стандартную аднахвілінную працэдуру праверкі ўладальніка карткі на старонцы банка-эмітэнта (банка, які выдаў вашу картку);
– «Штомесячная падпіска» лічыцца аформленай пасля паспяховага завяршэння першага спісання з карткі і (або) атрымання паведамлення аб паспяховым спісанні на электронны адрас Карыстальніка, пазначаны пры рэгістрацыі на Сайце.
6.3. Пасля падключэння «Штомесячнай падпіскі» з Банкаўскай карткі карыстальніка будуць ажыццяўляцца пераводы грашовых сродкаў у тэрміны і памерах, пазначаных пры падключэнні «Штомесячнай падпіскі». Пералік картак і плацежных сэрвісаў, якія прымаюцца да аплаты: Visa, Visa Electron, MasterCard, Maestro, Белкарт.
6.4. Плацяжы па банкаўскіх картках ажыццяўляюцца праз сістэму электронных плацяжоў bePaid. Плацежная старонка сістэмы bePaid адпавядае ўсім патрабаванням бяспекі перадачы даных (PCI DSS Level 1). Усе канфідэнцыйныя даныя захоўваюцца ў зашыфраваным выглядзе і максімальна ўстойлівыя да ўзлому. Доступ да аўтарызацыйных старонак ажыццяўляецца з выкарыстаннем пратакола, які забяспечвае бяспечную перадачу даных у інтэрнэце (SSL/TLS).
6.5. Адміністратар не захоўвае і не апрацоўвае даныя Банкаўскіх картак Карыстальнікаў.
6.6. Карыстальнік гарантуе, што ён з'яўляецца трымальнікам Банкаўскай карткі, свядома, карэктна і цалкам уводзіць усе патрэбныя рэквізіты Банкаўскай карткі пры актывацыі (падключэнні) «Штомесячнай падпіскі».
6.7. У выпадку няўдалага правядзення аперацыі пры чарговым запыце на спісанне на рахунку Банкаўскай карткі для ажыццяўлення пераводу Адміністратар мае права паўтараць запыт на спісанне з Банкаўскай карткі грашовых сродкаў.
6.8. Адключэнне «Штомесячнай падпіскі» ажыццяўляецца ў наступным парадку:
– перайсці ў Асабісты кабінет, націснуўшы на логін у правым верхнім куце Сайта;
– выбраць пункт «Мае падпіскі»;
– у акне, якое з'явілася, націснуць на кнопку «Прыпыніць».
У выпадку ўзнікнення ў Карыстальніка пытанняў ён можа звярнуцца да Адміністратара на адрас электроннай пошты gavarunby@gmail.com.
6.9. Для вяртання грашовых сродкаў на банкаўскую плацежную картку па аперацыях, праведзеных з памылкамі, неабходна звярнуцца з пісьмовай заявай і даданнем квітанцый, якія пацвярджаюць памылковае спісанне. Даную заяву неабходна накіраваць на электронны адрас gavarunby@gmail.com. Вяртанне грашовых сродкаў ажыццяўляецца на картку, з якой раней была праведзена аплата. Тэрмін паступлення грашовых сродкаў на картку ад 1 да 30 дзён з моманту ажыццяўлення вяртання Адміністратарам.
7. КАНФІДЭНЦЫЙНАСЦЬ
7.1. Прымаючы ўмовы Пагаднення Карыстальнік выказвае згоду на атрыманне, захоўванне і апрацоўку Адміністратарам персанальных даных, якія пазначаюцца Карыстальнікам у форме рэгістрацыі на Сайце.
7.2. Палажэнні Пагаднення дастасавальныя толькі да Сайта. Адміністратар не кантралюе і не нясе адказнасць за сайты і праграмнае забеспячэнне трэціх асоб, на якія Карыстальнік можа перайсці па спасылках, даступных на Сайце. На іншых сайтах трэціх асоб у Карыстальніка можа збірацца або запытвацца іншая інфармацыя, а таксама могуць здзяйсняцца іншыя дзеянні, за якія Адміністратар не нясе адказнасці. Адміністратар не правярае дакладнасць інфармацыі, якая даецца Карыстальнікамі, і не ажыццяўляе кантроль за іх дзеяздольнасцю. Аднак Адміністратар зыходзіць з таго, што Карыстальнік дае дакладную і дастатковую інфармацыю і падтрымлівае гэтую інфармацыю ў актуальным стане.
7.3. Адміністратар выкарыстоўвае інфармацыю выключна ў мэтах аказання прапанаваных ім з дапамогай Сайта паслуг і павышэння іх якасці, а таксама для таго, каб зрабіць паслугі і змесціва Сайта больш простымі і зручнымі ў выкарыстанні, а Кантэнт больш якасным.
7.4. Адміністратар атрымлівае, апрацоўвае, захоўвае і выкарыстоўвае інфармацыю Карыстальнікаў толькі для мэт і ў адпаведнасці з мэтамі, пазначанымі ў падп. 7.3 п. 7 Пагаднення.
7.5. У дачыненні да інфармацыі Карыстальніка Адміністратар захоўвае яе канфідэнцыйнасць. Адміністратар не будзе раскрываць трэцім асобам, распаўсюджваць, прадаваць, адчужаць ці іншым чынам распараджацца атрыманай інфармацыяй, акрамя як для мэт і спосабамі, прадугледжанымі п. 7 Пагаднення.
7.6. Карыстальнік можа ў любы момант змяніць (абнавіць, дапоўніць) дадзеную ім інфармацыю або яе частку, скарыстаўшыся функцыяй рэдагавання інфармацыі на Сайце ў Асабістым кабінеце Карыстальніка.
7.7. Адміністратар забяспечвае прыняцце неабходных і дастатковых арганізацыйных і тэхнічных мер для абароны інфармацыі Карыстальнікаў ад неправамернага або выпадковага доступу, знішчэння, змянення, блакавання, капіявання, распаўсюджвання, а таксама ад іншых неправамерных дзеянняў з ёй трэціх асоб.
7.8. Адміністратар мае права выкарыстоўваць тэхналогію «cookies». Карыстальнік можа змяніць налады прыёму файлаў «cookies» у наладах свайго браўзера або адключыць іх цалкам, аднак у такім выпадку некаторыя функцыі Сайта могуць працаваць некарэктна.
8. АДКАЗНАСЦЬ
8.1. За невыкананне і (або) неналежнае выкананне ўмоў Пагаднення Бакі нясуць адказнасць у адпаведнасці з заканадаўствам Рэспублікі Беларусь.
8.2. Адміністратар не нясе адказнасць за верагоднасць, актуальнасць і паўнату звестак, размешчаных на Сайце Карыстальнікам.
8.3. Адміністратар не нясе адказнасць за збоі ў рабоце і іншыя недахопы Сайта, а таксама збоі ў рабоце плацежных сістэм.
8.4. За парушэнне Карыстальнікам умоў карыстання сайтам Адміністратар мае права ў аднабаковым парадку адмовіцца ад выканання Пагаднення.
8.5. Карыстальнік самастойна нясе ўсе рызыкі, у тым ліку рызыкі прамых і (або) ускосных страт, а таксама рызыкі адказнасці перад любымі трэцімі асобамі ў сувязі са здзяйсненнем плацяжу і акцэптам умоў Пагаднення.
8.6. Адміністратар самастойна выконвае падатковыя абавязацельствы, якія ўзнікаюць у сувязі з атрыманнем ад Карыстальнікаў аплаты; абавязваецца самастойна выконваць патрабаванні заканадаўства Рэспублікі Беларусь аб парадку ажыццяўлення прадпрымальніцкай дзейнасці і іншыя патрабаванні заканадаўства Рэспублікі Беларусь; абавязваецца выконваць прынятыя на сябе абавязацельствы ў рамках Пагаднення.
9. ІНТЭЛЕКТУАЛЬНАЯ ЎЛАСНАСЦЬ
9.1. Усе правы інтэлектуальнай уласнасці на Кантэнт, размешчаны на Сайце, належаць яго законным праваўладальнікам. Сайт і Кантэнт, як аб'екты інтэлектуальнай уласнасці, падлягаюць прававой ахове згодна з дзейным заканадаўствам Рэспублікі Беларусь.
9.2. У выпадку паступлення ад адпаведнага праваўладальніка матываванай скаргі на парушэнне яго правоў, якія ахоўваюцца законам, Адміністратар мае права выдаліць Кантэнт, які парушае такія правы, без паведамлення Карыстальніку і без тлумачэння прычын.
9.3. Любое выкарыстанне Сайта або Кантэнту, акрамя дазволенага ў Пагадненні або ў выпадку відавочна выказанай згоды Адміністратара ці праваўладальніка на такое выкарыстанне, без папярэдняга пісьмовага дазволу Адміністратара ці праваўладальніка катэгарычна забаронена.
9.4. Сайт можа змяшчаць спасылкі на іншыя сайты ў глабальнай камп'ютарнай сетцы Інтэрнэт (сайты трэціх асоб). Адміністратар не нясе адказнасць за якую-небудзь інфармацыю, матэрыялы, размешчаныя на сайтах трэціх асоб, да якіх Карыстальнік атрымлівае доступ пры выкарыстанні Сайта, а таксама за наступствы іх выкарыстання Карыстальнікам.
10. ІНШЫЯ ЎМОВЫ
10.1. Да Пагаднення і адносін Бакоў па Пагадненні прымяняюцца нормы дзейнага заканадаўства Рэспублікі Беларусь.
10.2. Усе спрэчкі наконт палажэнняў Пагаднення вырашаюцца шляхам перамоў. У выпадку ўзнікнення пытанняў і прэтэнзій з боку Карыстальніка ён павінен звярнуцца да Адміністратара асабіста, на адрас электроннай пошты альбо па нумары тэлефона, пазначаным на Сайце.
10.3. Дасудовы (прэтэнзійны) парадак урэгулявання спрэчкі з'яўляецца абавязковым шляхам прад'яўлення адным з Бакоў пісьмовай прэтэнзіі (шляхам накіравання заказной пісьмовай карэспандэнцыі). Тэрмін разгляду прэтэнзіі складае 15 (пятнаццаць) рабочых дзён з моманту яе атрымання адным з Бакоў. Калі ж пагадненне па спрэчцы не дасягнута, спрэчкі вырашаюцца ў судовым парадку ў адпаведнасці з заканадаўствам Рэспублікі Беларусь па месцазнаходжанні Адміністратара.
10.4. У выпадку сваёй нязгоды са змяненнем палажэнняў Пагаднення Карыстальнік абавязаны неадкладна спыніць выкарыстанне Сайта шляхам выдалення свайго ўліковага запісу.
10.5. Адміністратар мае права ў аднабаковым парадку адмовіцца ад выканання Пагаднення ў дачыненні да канкрэтнага Карыстальніка без тлумачэння прычын. Пра факт скасавання Пагаднення Карыстальніку накіроўваецца апавяшчэнне на пазначаны пры рэгістрацыі адрас электроннай пошты.
10.6. Карыстальнік мае права ў аднабаковым парадку адмовіцца ад выканання пагаднення шляхам выдалення свайго ўліковага запісу на сайце, што азначае адмову Карыстальніка ад выкарыстання Сайта.
11. РЭКВІЗІТЫ АДМІНІСТРАТАРА
Індывідуальны прадпрымальнік Бычкоў Павел Мікалаевіч,
УНП 193392852,
месцазнаходжанне: вул. Бялецкага, д. 26, кв. 55, 220117, г. Мінск, Рэспубліка Беларусь.