Мультфільмы
Мультсерыялы розных жанраў, для дзяцей розных узростаў!
Падрабязней
Беларускамоўны кантэнт для дзяцей: мультфільмы, аўдыякнігі, песні і відэаролікі!
Наша мэта – спрыяць сацыяльнаму, эмацыйнаму і пазнавальнаму развіццю дзяцей з дапамогай відэа. Старанна абіраючы матэрыял, мы хочам, каб дзеці атрымлівалі асалоду ад "Ютуба", а бацькі былі упэўнены ў абароненасці ад непрыдатнага кантэнту.
Штомесяц, некалькі разоў на тыдзень, мы выпускаем на Гаваруне пэўную колькасць агучаных па-беларуску серый з розных мультсерыялаў, каб зацікавіць як самых малых, так і дзяцей старэйшага ўзросту. Таксама мы публікуем пазнавальна-забаўляльнае відэа, песні і анімаваныя аўдыякнігі.
Каб мы маглі рэгулярна ствараць новыя відэа па-беларуску, патрэбна фінансаванне. Вы можаце дапамагчы нам, калі аформіце паслугу штомесячнай падпіскі па даванні доступу да новага кантэнту. За пэўную суму можна не толькі паглядзець новыя мультфільмы, але і пабачыць сваё імя ў цітрах ці паўдзельнічаць у запісе!
Кошт перакладу і агучвання адной гадзіны мультфільмаў складае 2500 рублёў. Чым больш сродкаў мы зможам сабраць за бягучы месяц — тым больш матэрыялу зможам выпусціць у наступным!
Мы верым, што дзеці могуць шмат чаму навучыцца, гледзячы анімацыю. Чароўны свет, поўны цікавых гісторый, сяброў і смеху, дапаможа спасцігаць дабрыню і сумленнасць, шчырасць і адказнасць, сапраўднае сяброўства, а таксама атрымаць у даступнай форме веды пра наваколле!
Станьце фундатарамі Гаваруна, аформіўшы падпіску!
